ԻՆՉՊԵՍ ԹՌՉՈՒՆՆ ԱՌԱՆՑ ԹևԻ

ԱՌԱՆՑ ՔԵԶ ԱՊՐԵԼՆ ԱՅՆՔԱՆ Է ՀԻՄԱ... ԱՆՀԱՍԿԱՆԱԼԻ ՈՒ ՏԱՐՕՐԻՆԱԿ, ՈՐՔԱՆ ՍԱՌՈՒՅՑԻ ԿԱՄ ՁՅՈՒՆԻ ՎՐԱ ՎԱՌՎՈՂ ԽԱՐՈՒՅԿԸ... ...ՈՒ ԵՍ ԱՊՐՈՒՄ ԵՄ ԱՅԴՊԵՍ... ...ՎԱՌՎԵԼՈՎ...

http://youtu.be/66XzRZkZPvg
Օրերս անցնում են տխուր ու միօրինակ...Անձրեւի տարափ է այտերիս...Բառերս կորչել են, աղքատ են մտքերս, միայն լեցուն է հոգիս...կարոտով...
Քայլում եմ փողոցով ու հեռվից ականջ դնում ծանոթ երգին, մեղեդին կլանում է էությունս, իր մոտ է կանչում... միասին էինք լսում այս երգը, կարծես ինչ որ մեկը ոտքերս մեխում է գետնին, աչքերս զարմացած նայում են շուրջս, բայց չեն գտնում քեզ, սիրտս թփրտում է անհույս, վերցնում եմ հեռախոսը եւ զանգահարում, պատասխան չկա...Կարոտ, թախիծ, հուշեր ձեռք ձեռքի պարում են աչքերիս առջեւ, կոկորդս խեղդում է մի անանց կարոտ, հիմա արդեն հոգիս ցնցվում է կարոտախտի տենդից...Սկսում են լուռ սպասումի ժամերը եւ սլաքները կրիաներ դարձած մի կերպ մի թվից մյուսն են սողում, իսկ մտքերը չարաճճի նապաստակների պես ցատկոտում են ու ծիծաղում անարդյունք սպասումիս ակնապիշ նայելով...Ի վերջո զանգում ես, լուռ եմ չեմ խոսում, ինչու, երեւի այն պատճառով, որ արդեն տասներրորդ անգամ սենյակիս լռության ու մթության մեջ պատմել եմ  ամենը...                                                    

Մի կաթիլ ջերմություն...

Մի կաթիլ ջերմություն եմ պահում ափիս մեջ, կարոտիս աղբյուրից առափված...Իսկ սրտիս անդունդը լցված է մեղեդու հոգեթով հնչյուններով...Չեմ թողնի, որ հուշերիս գանձարանը խամրի փոշուց, ամեն տեսակ այլեւայլությունից...Իսկ այն պահպանելու համար հարկավոր է լոկ զգալ, հուշերիս թանկությունն ու քաղցրությունը,,,

Տառապանքը Քեզ հետ քաղցր հուշ եւ խոսքերը խորհուրդ կդառնան կհագնեն ուրիշ փայլ...Վ.Տ

Ուզում եմ երջանիկ լինել, ինչպես բոլորը, սակայն ամենից շատ սիրում եմ տառապանքը, այո', տառապանքը չսխալվեցիր, այն մաքրում է հոգիս ամեն տեսակ տաղտուկից ու ճղճիմ զգացումներից, վեհացնում է ինձ ու ուժեղացնում: Եթե սպանում էլ է, ապա միայն ամեն թույլ ու վախով լեցուն մասնիկ իմ մեջ: Շնորհակալ եմ Աստված, բոլոր այն դժվարությունների համար, որ ունեցել եմ ու կունենամ... Կարեւորը ամեն ինչում ցանկությունն է, որ ունեմ պայքարելու,  զգալու, հասնելու, նվաճելու եւ ապրելու...

Չասված խոսքեր կամ թախծոտ հուշեր

Կյանքում մեզանից ամեն մեկը գոնե մեկ անգամ ուզել է ասել այս խոսքերը: Մեկը հասցրել է, մյուսը` ուշացել, մեկն էլ զղջումով  է հիշում այդ խոսքերը....

Չէ ես չեմ ուշացել...չգիտեմ էլ ում են ուղղված այս խոսքերը, վախենում եմ ,,,Ս,,, չընդունես այս խոսքերը, բայց չեմ ուզում կամ զղջալ կամ էլ ուշանալ...
Չնայած հիմա մեզ բաժանում են հարյուրավոր կիլոմետրեր, բայց հոգով քեզ հետ եմ...

Ես այն եմ եղել, ինչ որ եղել եմ, Չեմ հասել երբեք քո որոնածին... Քո որոնածը աննյութեղեն էր, իսկ ես հողեղեն, հողոտ, հողածին...Հ.Թ.

Ով գիտի թե ես ինչպիսին եմ իրականում?: Իհարկե ոչ ոք, նույնիսկ ինքս չգիտեմ... Բոլորն ուզում են ինձ փոխել, դարձնել ավելի լավը` ,,,քանի որ իմ լավն են ուզում,,, իսկ ինչ-որ մեկի մտքով անցել է փորձել ուղակի հասկանալ ինձ, չէ որ դա այդքան էլ դժվար չէ...Իսկ իմ ուզածը միայն հոգեպես հանգիստ լինելն է: Հիմա բոլորդ կսկսեք ինձ մեղադրել, որ միշտ տխուր եմ, շայրահեղ եմ, ինձ 85 տարեկանի պես եմ պահում կամ էլ մռութներս կախում եմ...Գուցե ես այդպիսին եմ, չեմ հավատում մարդկանց փոխվելու մասին անհամար հեքիաթներին...Ախր ինքս չեմ ուզում փոխվել...

Ես այն եմ եղել, ինչ որ եղել եմ, Չեմ հասել երբեք քո որոնածին... Քո որոնածը աննյութեղեն էր, իսկ ես հողեղեն, հողոտ, հողածին...Հ.Թ.

Հաճախ եմ փորձում ինքս ինձ հասկանալ, ուղղվել, փոխվել, բայց դրա մեջ իմաստ չեմ տեսնում: Առհասարակ ես ինձ համարում եմ ամենասովորական ինչ որ մեկը, բայց երբեմն ինձ հետ կատարվում են անիրական պատմություններ, ինչպես օրինակ մեքսիկական սերիալներում....Ուղակի ես չեմ կարող ապրել այնպես ինչպես բոլորը: Ախր ես չգիտեմ ոնց անեմ, որ ճիշտ լինեմ: Բոլոր աղջիկները ինձ նայում են տարօրինակ սեւեռուն հայացքով, որովհետեւ մազերս իրանց նման ամեն օր չեմ ֆենում, աչքերիս սուրմա չեմ քսում կամ էլ շատ թեթեւ եմ քսում, օրիֆլեյմի կատալոգը չեմ նայում: Իսկ տղաների մասին չեմ խոսում ընդհանրապես... Եթե դուք ինձ չեք ընդունում այնպիսին ինչպիսին կամ ուրեմն չեք հասկանում ինձ, իսկ սիրելու մասին խոսք անգամ չի կարող լինի...Չգիտեմ... ոչինչ չգիտեմ հաստատ, բայց մարդիկ ապրում են իրենց կյանքով, բոլորն ունեն իրենց ճիշտը իրենց լավը գիտեն ու դրան էլ ավելացնենք ,,,այս ամենը քիչ է,,, իմ լավն են ուզում,,, Չեմ հասկանում: Եստեղ ինչ-որ բան սխալ է, չեմ կարող ես միշտ սխալ լինել....

Անկեղծ զրույց ինքս ինձ հետ,,,

Բարեւ,,, ամեն օր ուզում եմ զանգել Քեզ ու մի շատ կարեւոր բան ասել, բայց զանգում եմ ու չգիտեմ ինչու  չեմ ասում: Խոսում ենք ամեն ինչից` կյանքից, աշխարհից, նույնիսկ մեզանից, բայց ոչ մեր զգացմունքներից, այն ամենից, ինչ որ կա իրականում,,, Այսօր քաջ եմ ու անվախ, որովհետեւ չեմ նայում աչքերիդ, որ  հայացքս թաքցնեմ կամ աչքերս խոնարհեմ ներքեւ,,, Չեմ ընկնում երկար ու բարակ խոսքերի  հետեւից,,, հիմա ավելի քան երբեւի նայում եմ ուղիղ աչքերիդ,,,Ուզում եմ այժմ լինել կողքիդ ,,,չգիտեմ ինչու,,, մի հարցրցրու,,ուզում եմ գալ քեզ մոտ ուշ իրիկնամուտին` նստել կողքդ, գլուխս խոնարհել ուսիդ,,, լսել ձայնդ ու զգալ շուրթերդ...

ԻՆ ՅԱՆ

 

Անվերջ դատարկության երկու իրար հակադիր բևեռները անվանում են ին և յան: Ինը կանացի սկիզբն է, իսկ յանը` տղամարդկային: Ինը բացասական է, յանը` դրական: Դրանք ուժեր են, որոնք ստեղծվում են անվերջ հաստատուն և անսահման մաքուր ազատ տարածությունից: Քանի որ դրանք միմյանց նկատմամբ հակադիր են, ինը կենտրոնախույս է, իսկ յանը` կենտրոնաձիգ, այդ պատճառով դրանց մեջ գոյություն ունենորոշակի հարաբերություններ: Կանացի ուժերը արտադրում են մութ, ցուրտ, ընդարձակվում և գտնվում են ամեն ինչի մակերևույթի վրա: Տղամարդկային ուժերը արտադրում են լույս, ջերմություն, սեղմվում և գտնվում են ամեն ինչի կենտրոնում: Մարդկային օրգանիզմը, ինչպես նաև բոլոր իրերը, կամ ավելի շատ ին են պարունակում, կամ ավելի շատ յան, չեզոք վիճակում բնության մեջ չեն լինում, միշտ նրանցից մեկը գերազանցում է մյուսին: Դրան համապատասխան օրգանիզմը կամ իրը անվանում են ին, եթե ինն է շատ, յան, եթե յանն է շատ: Սակայն ինը և յանը անընդհատ փոփոխվում են, մեկը մյուսին նեղում են և միշտ մեկն ավելցուկ ունի: Այդ կատարվում է սննդի հետ կապված` նայած մարդն ավելի շատ ի՞ն սննդամթերք է ընդունում, թե՞ յան: Աստղաբանությանը հայտնի է, որ որոշակի ժամկետում ծնված մարդկանց մոտ հենց ծնված պահից սկսած կամ ինն է շատ, կամ յանը: Քանի որ կենդանակերպերը նույնպես կամ ին են, կամ յան, ուստի նրանց ազդեցության տակ ծնված մարդիկ, ստանալով նրանցից համապատասխան ուժեր, լինում են նրանց նման: Կանացի կենդանակերպեր են համարվում Ցուլը, Խեցգետինը, Կույսը, Կարիճը, Այծեղջյուրը և Ձուկը:Այդ նշանով ծնված թե՛ կանայք, թե՛ տղամարդիկ նուրբ են, զգայուն, նրբանկատ և կանացի: Տղամարդկային կենդանակերպեր են համարվում Խոյը, Երկվորյակը, Առյուծը, Կշեռքը, Աղեղնավորը և Ջրհոսը: Ի տարբերություն կանացի խառնվածքի` այս կենդանակերպերի ազդեցությամբ ծնվում են տղամարդկային խառնվածքով, քաջ, ուժեղ կամքով մարդիկ, այդպիսին են ոչ միայն տղամարդիկ, այլ նաև կանայք: Կին-տղամարդ հարաբերությունները որոշվում են նրանց օրգանիզմում գտնվող ին-յան ուժերի պարունակության քանակով: Տղամարդուն ձգում է կինը, եթե ինքը յան է, կնոջը` ին: Երկու տղամարդ իրար չեն ձգում, եթե երկուսն էլ յան են, երկու կին իրար չեն ձգում, եթե երկուսն էլ ին են: Սա բնական երևույթ է, ոչ մի տարօրինակ բան չկա, տարանուն բևեռներն իրար ձգում են, նույնանուն բևեռները` վանում: Սակայն անբնական է, երբ երկու տղամարդ են ձգում իրար, պարզ է, որ նրանցից մեկի մոտ կանացի սկիզբն այնքան շատ է, որ նա հանդես է գալիս կնոջ դերում: Հնարավոր է, որ նա ոչ միայն ծնված է կանացի կենդանակերպի ազդեցության տակ, այլև սնվում է կանացի սննդամթերքներով: Եթե նա ճիշտ սնվի, յանապատվի, նրա մոտ կկանոնավորվի այդ հարցը, հանդես կգա տղամարդու դերում: Նույնը կարելի է ասել նաև կանանց մասին: Ընդհանրապես ճիշտ սննդով կարելի է ապահովել ոչ միայն կին-տղամարդ հարաբերությունների բնականոն ընթացքը, այլև առողջությունը և միմյանց նկատմամբ գիտակցական վերաբերմունքը: Մարդուն չի թվա, թե խելագարի նման սիրում է մյուսին միայն այն պատճառով, որ վերջինս սնվում է նրան հակադիր սննդով: Եթե օրգանիզմը ի ծնե ին է, այսինքն` ծնված է կանացի կենդանակերպի ազդեցության տակ և չարաշահում է նաև կանացի համարվող սննդամթերքը, ինքն էլ կին է, ապա նրա մոտ ինը կարող է վերածվել յանի: Այդ ժամանակ նա կդադարի կանացի լինելուց, անտարբեր կդառնա իր ամուսնու նկատմամբ, նամանավանդ, եթե ամուսինը յան է: Քանի որ յանը կարող է փոխվել ինի, իսկ ինը` յանի, ուստի շատ բարդություններ կարող են առաջանալ կին-տղամարդ հարաբերություններում: Դրանք կարելի է վերացնել անհրաժեշտ հավասարակշռություն ստեղծելու ճանապարհով: Եթե կինը ին չէ, իսկ տղամարդը` յան, առաջանում են հիվանդագին երևույթներ, որոնք կարելի է կանոնավորել կնոջը ինապատելու, իսկ տղամարդուն յանապատելու միջոցով: Օրինակ` ջղակծկումը, սպազմները սկզբում առաջանում են ոտքերում, որոնք ավելի յան են, իսկ օրգանիզմն ստացել է ավելի շատ ին, այսինքն` չարաշահել է քաղցրեղենը, մրգերը, բանջարեղենը: Ջղակծկումը վերանում է, երբ օրգանիզմը ունենում է յանի ավելցուկ, այսինքն` ավելի շատ է օգտագործում ընդեղեն, մսեղեն, ձու, պանիր: Եթե սա անուշադրության մատնվի, ջղակծկումը կընդունվի սրտի կողմից, և բուժումն արդեն կդժվարանա: